Azərbaycanlı, ziyalı xanım Zərifə xanım Əliyeva.

İlk olaraq burdan başlamaq istəyirəm ki, çox böyük mədəni irsi olan xalqımız qadının ailədə,ümumiyyətlə cəmiyyətdəki roluna daim ehtiramla yanaşmışdır.Bu təsadüfi deyildir, çünki dünyaya insan bəxş edən, onu adət-ənənələrimizə,milli dəyərlərimizə uyğun böyüdən,tərbiyə edən anadır .Beləliklə cəmiyyətin inkişafın da,dövlət quruculuğunda xüsusi rol oynayan xanımdır. Qürurla qeyd edirəm ki, qadınlarımız ölkəmizin istənilən sahəsində uğur qazanmaqla yanaşı, ailədə vətənə layiqli oğullarda yetişdirməyi bacarırlar.Qeyd etmək lazımdır ki, tarixin istənilən anında bizim örnək kimi qəbul etdiyimiz qadınlar olub, indi də var və daimada olacaqdır.

Bu ziyalı xanımlardan biri Zərifə xanım Əliyevadır.Zərifə xanım Azərbaycan tibb elminin tarixində,bu elmin ölkəmizdə şöhrətlənməsində ləyaqətli yer tutmuş görkəmli alim və mütəxəssislərdən biri olub. Dünya tibb elminə yeni nailiyyətlər bəxş edib akademik adına yüksələn Zərifə xanım Əliyeva dəyərli ziyalı və alim kimi respublikamızdan kənarda da yaxşı tanınmışdır. Zərifə Əliyeva 1923-cü il aprel ayının 28- də Azərbaycan Respublikası Naxçıvan Muxtar Vilayətinin, Şərur rayonunun Şahtaxtı kəndində anadan olmuşdur.Zərifə xanım öz həyatını səhiyyə elminin inkişafına həsr etmişdir taleyini tibb elminə həsr etməyi qarşısına məqsəd qoyan Zərifə xanım 1942-ci ildə orta məktəbi bitirdikdən sonra Azərbaycan Dövlət Tibb İnstitutunun müalicə-profilaktika fakültəsinə daxil olur və 1947-ci ildə institutu əla qiymətlərlə bitirir.1949-cu ildən başlayaraq Zərifə Əliyeva Azərbaycan Elmi Tədqiqat Göz Xəstəlikləri İnstitutunda elmi işçi kimi fəaliyyətə başlayır, 1950-ci ildə isə aspiranturaya daxil olur, praktik əməli həkim fəaliyyəti ilə yanaşı elmi axtarışlarını da davam etdirir. Azərbaycanlı ziyalı qadını, xanımı olan Zərifə xanım barədə danışarkən müasir və müstəqil Azərbaycanın memarı,Zərifə xanımın ömür,gün yoldaşı Ulu öndər Heydər Əliyevin Zərifə xanım haqqında dediklərini xatırlatmaq istəyirəm ; “Deyirlər, xoşbəxtlik nisbi anlayışdır və dünyada tam xoşbəxt olan insan yoxdur. Amma Tanrı tərəfindən seçilmiş elə şəxslər də var ki, sağlığında insanların rəğbətini, sevgisini qazanan, bu dünyayla vidalaşandan sonra isə tarixdə özünə əbədi şərəfli ad qoyan xoşbəxt insanlar dan olur.Elə o da öz adını tarixin səhifələrində əbədiləşdirən, xatirələrdə hər zaman hörmətlə anılan, sayğı ilə yada salınan unudulmaz şəxsiyyətlərdən oldu.Çünki böyük Yaradan ona elə böyük ürək bəxş edib,qəlbinə elə parlaq bir nur çiləmişdi ki, onunla rastlaşan, ünsiyyətdə olan hər bir kəs ilk növbədə özündə ümid, təsəlli, inam, sakitlik tapar, könülləri xeyirxahlıq şəfəqinin şölələri ilə işıqlanardı.O, insanları sevərdi, heç vaxt heç kimi incitməz, heç kimi naümid qoymaz, heç kimə kömək etməkdən imtina etməzdi”. Bu zəngin sözlərlə əsl insan sərrafı olan ümummillilider Heydər Əliyev, Zərifə xanım barədə fikrini mükəmməl ifadə etmişdir.Beləliklə, akademik Zərifə Əliyeva bundan sonrada öz həmkarları və ölkəmizin ictimaiyyəti tərəfindən görkəmli oftalmoloq-alim, nəcib Azərbaycan xanımı olaraq daima hörmətlə xatırlanacaqdır.

Vüqar Məmmədov.
YAP Saatlı rayonu 15 saylı ƏPT-n sədri