`MAHAL` MTK-nın şefi ilə bağlı ŞOK İDDİALAR... - Prezidentə müraciət olundu

"Biz, “Mahal” MTK-nın təsisçi müdiri Rəhimov Elvin Adil oğlundan şikayətçiyik. 2019-cu ilin may ayında şifahi razılaşma ilə mən onunla 18 mərtəbəli yaşayış binasının damının tikintisinə başlamışam. Razılaşmaya əsasən mənim işim bu işi yaxşı bacaran usta və fəhlə qüvvəsi ilə təmin etmək, vaxtaşırı gəlib işə nəzarət etmək, alınacaq materialların münasib olması və keyfiyyətinə nəzarət etmək olmalı idi, əvəzində mənə işin sonunda müəyyən hörmət olunacaq, işçilər “Mahal” MTK-da rəsmi qeydiyyat əsasında işləyəcək və vergi, pensiya fondu, tibbi sığortaları ilə şirkət təmin edəcək və hər ay görülən iş əsasında nağd pulla işçilərə ödəniş olunacağına söz verildi. Beləliklə 2019-cu ilin may ayında işə başladıq, lakin 4 ay keçəndən sonra məlum oldu ki, Rəhimov Elvin bizi aldadır, işçilər qeydiyyatsız və rəsmi işçi kimi yox, qanunsuz işləyirlər".

Tereqqi.az bildirir ki, bu barədə Tribunainfo.az-a şikayətçi Quliyev İlham Aydın oğlu bir qrup işçi adından yazıb. Şikayətçi bildirib ki, Əmək Müfəttişliyinin keçirdiyi reyd zamanı, dam ustalarını lift şaxtasının üstündə gizlədiblər:

“Məni təcili çağırıb xidməti müqaviləyə imza atmağı tələb etdi və beləliklə vergidən yayınma halını əmək müfəttişlərindən gizlədə bildi.
Bütün pandemiya dövründə də müxtəlif bəhanələrlə işçiləri qeydiyyata salmayıb, 16 nəfəri qanunsuz yol ilə işlətməyə davam etdi. İşin sonuna yaxın borcunun 50-60 min AZN-ə çatdığını bildikdən 3 gün sonra işçiləri qovdu və mənimlə əlbəyaxa dava etdi. İşin naryadını yazan mühəndisinə naryadı yazmamağı və həcminin də kəsilməsini əmr etdi. Beləliklə, 1 saatlıq işi bizə 3 ay ərzində və 14.300 AZN olduğundan az məbləğdə naryad yazıldı. Sonra biz 9 ay bu şirkətin qabağında növbə çəksək də, bizi qəbul etmədilər. 2020-ci ilin fevral ayında 2000 AZN verib, tezliklə borcu bağlayacağına söz verdi və bizə podrat müqavilə imzalatdı (Mahal MTK-nın sahibinə təqdim etmək adı ilə). Lakin məlum oldu ki, yenə bizi aldadıb, bizi məhkəməyə verib, cinayətini mülki işə çevirmək üçün edib. Yanına biz tərəfdən dəfələrlə tanış adamlar getsə də hamısını bir bəhanə ilə yola salıb (jurnalistlər İlqar Mikayıloğlu və Zülfiyyə Bayramova). Bir tanışımıza isə 2022-ci ildə 3000 AZN verib( qəbzi mövcuddur) 1 həftəyə qalan borcu bağlamağı “kişi” kimi söz versə də 4-5 ay onu da dolandırdı”.

Şikayətçi bildirib ki, Elvin Rəhimov Adil oğlu Mütəşəkkil Cinayətkalıqla Mübarizə İdarəsində 5 dəfə rəsmən təcridxanada saxlanılıb. 4 dəfə dələduzluq, 1 dəfə isə qadına təcavüzlə əlaqədar:

“Bildirmək istərdim ki, dəfələrlə prokurorluq, polis və Mütəşəkkil Cinayətkarlıqla mübarizə idarəsinə şikayət etsək də, onun güclü havadarları onu qoruyurlar – qudası general Həbib (keçmiş hərbi tribunalın sədri, indiki Nərimanov Rayon Məhkəmənin sədri, qardaşı Vaqif Ağdam rayonu icra başçısı və Mahal MTK-nın sahibi, Hacı deyilən şəxs).
Biz sizdən çox xahiş edirik, artıq 3 il davam edən bu qanunsuzluğa, özbaşınalığa görə bizə kömək edəsiniz”.

Zərərçəkən sahibkarlar yaxın günlərdə üzləşdikləri haqsızlıq və başlarına gətirilən oyunla bağlı mətbuat konfransı keçirməyə, ictimaiyyətə daha geniş məlumat verməyə hazırlaşır.

Qeyd: Qarşı tərəfin də mövqeyini işıqlandırmağa hazırıq.