QIRAN QIRIB... bəs əlaqədar qurumlar HARA BAXIR? - BU NƏDİ BELƏ?

"Bu şəkilləri "Gənclik"də Atatürk parkıda çəkmişəm. Uşaqlar üçün quraşdırılmış bu oyun makinalarını yaşlı adamlar qırıb". DİA.AZ bildirir ki, bu etirazla tanınmış şair Murad Köhnəqala çıxış edib.

M.Köhnəqala sözügedən parkda uşaqlar üçün nəzərdə tutulan əyləncə vasitələrinə MƏHZ BÖYÜKLƏRİN vəhşi münasibətinə diqqət çəkərək sözlərinə belə davam edir: "Belə baxıram, bunları qırmaq üçün üstündə tullanıb-düşərək xeyli əziyət çəkiblər. Sağdakı fırlanan oturacaqdı, onun da üstündə xeyli tullanıb-düşdükdən sonra, nəhayət ki, alt oxunu qırıblar. Başqa parklarda da bu cür fırlanan oturacaqların, demək olar ki, hamısını qırılmış halda görmüşəm. Maraqlıdı, belə eləyəndə bunu qıranların əlinə nə verirlər, görəsən?

P.S. Tamam... QIRAN QIRIB... bəs əlaqədar qurumlar HARA BAXIR? Hər halda bu parklara nəzarət edən olmasa da (olsaydı bu mənzərə yaranmazdı), parklardan sorumlu bir kimsə olmalıdır, axı...

DİA.AZ