Krant suyunu millətə BƏH-BƏHLƏ SATIRLAR - BU NƏDİ BELƏ?

" 'Vita1000' suallarının mənbəyi Oğuz-Qəbələ-Bakı su kəməridir. Bir neçə həftə öncə AQTA qablaşdırılmış suları yoxlayıb və uyğunsuzluq aşkarlamışdı..." DİA.AZ bildirir ki bu barədə "Müştərinin Səsi" sosial qrupundakı paylaşımında Aynur Əliyeva adlı istifadəçi giley edir.

Daha sonra narazı vətəndaş yazır: "Nöqsanları aradan qaldırmaq üçün məcburi göstəriş verildi. "Vita1000" suları bu göstərişə uyğun olaraq suyun mənbəyi kimi Oğuz-Qəbələ-Bakı su kəmərini göstərməli idi, bir ara göstərdi də...

Amma bu yaxınlarda yenə insanları aldatmağa, suyun mənbəyini "Böyük Qafqaz sıra dağları" kimi yazmağa başlayıblar...

Suyun mənbəyi nədirsə onu da yazsınlar, insanları aldatmasınlar!"

Məsələ ilə bağlı olaraq qarşı tərəfi də dinləməyə hazırıq...