Avqustun 9 – da Yasamal rayon Heydər Əliyev Mərkəzində “Cabir Novruz”Mədəniyyət Fondunun təşkilatçılığı ilə yazıçı, jurnalist Mehriban Əmrullayevanın “Mənim Kəndim, Mənim Məkanım” kitabının təqdimatı keçirildi

Tədbirdə AMEA – nın N.Gəncəvi adına Ədəbiyyat İnstitunun aparıcı elmi işçisi,

filologiya üzrə fəlsəfə doktoru Rasim Nəbioğlu, Azərbaycan Yazıçılar Və Jurnalistlər
birliyinin üzvü, “Cabir Novruz” Mədəniyyət Fondu Mətbuat Xidmətinin rəhbəri Elşad
Dağlı, Tereqqi .az saytının baç redaktoru jurnalistlər birliyinin üzvü Aygün Həsənli, şairlər Bəydadaş
Cəfərli, Səadət Nizamqızı, İmamverdi Dağlar Oğlu, Aytəkin Mehmanqızı ,yazıçılar
və digər qonaqlar iştirak etdilər.

Tədbir Azərbaycan Respublikasının Dövlət Himni səsləndirilməsi ilə başladı.

Respublikamızın müstəqilliyi, ərazi bötövlüyü uğrunda canından keçən şəhidlərimizin
əziz xatirəsi bir dəqiqəlik sükutla yad edildi.

Giriş sözü ilə çıxış edən Yasamal rayon Heydər Əliyev Mərkəzinin böyük elmi işçisi Arifə Mustafayeva kitabın Quba rayonunun tarixi keçmişi, milli–mənəvi dəyərlərindən , I Qarabağ və Vətən müharibəsində qəhrəmanlıq göstərən Qubanın igid şəhidləri və qazilərindən, rayon ziyalılarından bəhs edən dəyərli mənbə
olduğunu bildirdi.

Yazıçı, jurnalist Mehriban Əmrullayeva “Mənim Kəndim, Mənim Məkanım” kitabı haqqında
məlumat verərək bildirdi ki böyüyüb boya – başa çatdığım yurda həsr olunmuş kitab
yazmaq çox məsuliyyət tələb edir. Ümid edirəm ki, doğma yurdum haqqında qələmə aldığım bu kitab cəmiyyətimiz üçün faydalı olacaq.

Digər natiqlər çıxışlarında ədəbiyyatda ilk uğurlu addımlarını atan Mehriban Əmrullayevanın özünəməxsus yaradıcılığından – fəlsəfi dünyasından söz açdılar və ona yeni yaradıcılıq uğurları arzu etdilər.